«Ուզո՞ւմ ես լինել երջանիկ, եղիր»՝ համոզված է դերասանուհի Ելենա Բորիսենկոն: Օրերս նա իրականացրել է իր վաղեմի երազանքներից մեկը. ոճային կտրուկ փոփոխություն է արել, ինչի առիթով էլ շատ ուրախ է: 

«Հայ ընտանիքներում կարծես ավանդույթ կա երեխաների գլուխները սափրել, որպեսզի մազերն ավելի որակյալ լինեն: Մայրս կտրականապես դեմ էր դրան եւ պարզապես կարճ կտրում էր մեր մազերը: Դա մինչեւ դպրոց գնալն էր, իսկ դպրոցական տարիներին մազերս միշտ երկար են եղել, եւ մի փոքր կտրելը նույնիսկ լուրջ խնդիր էր, լաց ու կոծ»,-BRAVO.am-ի հետ զրույցում պատմել է Ելենան եւ ավելացրել.«90-ականներին հայտնվեց երգչուհի Շինեյդ Օ’Քոնորն՝ իր սափրած գլխով, եւ սափրած գլուխ ունենալը դարձավ երազանք: Քանդակագործ ընկերներիցս մեկն ինձ ասում էր, որ շատ կսազի, որովհետեւ գլխիս ձեւը գեղեցիկ է, ավելին՝ դասական բոլոր կանոններով հայ մարդու գանգ է, բայց դե, թատրոնում բոլոր դերերիս համար մազերս անհրաժեշտ էին, ու երազանքս մնաց երազանք»:

Ավելին՝ այստեղ

???????????????